The Sound of Silence

رات کے پچھلے پہر سب جہانوں کا خدا دے رہا تھا سدا کوئی پکارے مجھے میں سن رہا ہوں کوئی مانگے تو سہی جھولیاں بھر بھر کے دوں کوئی توبہ تو کرے معاف میں جھٹ سے کروں اور ہم نیند میں اس صدا سے بےخبر اس خدا سے بے خبر جنتوں کی چاہ میں خواب دیکھتے رہے

عُمر کا بھروسہ کیا، پَل کا ساتھ ہوجائے ایک بار اکیلے میں، اُس سے بات ہوجائے دِل کی گُنگ سرشاری اُس کو جِیت لے، لیکن عرضِ حال کرنے میں احتیاط ہوجائے ایسا کیوں کہ جانے سے صرف ایک اِنساں کے ساری زندگانی ہی، بے ثبات ہوجائے یاد کرتا جائے دِل، اور کِھلتا جائے دِل اوس کی طرح کوئی پات پات ہوجائے سب چراغ گُل کرکے اُس کا ہاتھ تھاما تھا کیا قصور اُس کا، جو بَن میں رات ہوجائے ایک بار کھیلےتو، وہ مِری طرح اور پھر جِیت لے وہ ہر بازی مجھ کو مات ہوجائے رات ہو پڑاو کی پھر بھی جاگیے ورنہ آپ سوتے رہ جائیں، اور ہات ہوجائے

‏اک ع تھی پھر ش تھا کچھ آگ تھی،کچھ راکھ تھی اک دشت تھا، اک بحر تھا صحرا بھی تھا اور پیاس بھی پھر اک خلا بے انت سا،اک بند گلی سا راستہ ویرانیاں،تنہانیاں، پھر ق تھا پھر سارا منظر راکھ تھا سب خاک تھا۔۔۔عشق تھا۔۔۔بس عشق تھا!